تیرہویں صدی میں اسلامی فتوحات پر مبنی شہرہ آفاق تُرک سیریز ’ارطغرل غازی‘ میں مرکزی کردار ادا کرنے والے اداکار انجن التان نے پاکستان سے اپنی والہانہ محبت کا اظہار کردیا۔

تفصیلات کے مطابق ترک اداکار نے پاکستان کا ملی نغمہ ’دل دل پاکستان‘ گا کر نہ صرف اپنی محبت کا اظہار کیا ہے بلکہ کروڑوں پاکستانیوں کے دل جیت لیے۔

حال ہی میں ترک اداکار کی ایک ویڈیووائرل ہوئی ہے جس میں وہ پاکستان کا ملی نغمہ ’دل دل پاکستان، جان جان پاکستان‘ گنگناتے نظر آرہے ہیں۔

https://twitter.com/tturk_01/status/1268897246021550081?s=20

انجن التان نے گانا گنگنانے کے ساتھ ہی دل پر ہاتھ رکھ کر نہایت ہی احترام سے اپنے پاکستانی مداحوں کو اُردو زبان میں کہا کہ ’میرا آپ کو سلام پاکستان۔‘

پاکستانی گلوکار سلمان احمد نے سوشل میڈیا پر زیر گردش یہ ویڈیوٹوئٹر پر کرتے ہوئےلکھا کہ ’کبھی سوچا بھی نہیں کہ ایک دن ’ارطغرل‘ پاکستان کا ملی نغمہ گنگنائے گا۔

اِس سے قبل ’ارطغرل غازی ‘ میں بہادر جنگجوعبد الرحمان کا کردار ادا کرنے والے جلال نے بھی عیدالفطر کے موقع پر پاکستانیوں کو’ دل دل پاکستان‘ گنگنا کر عید کی مبارکباد دی تھی جس کی ویڈیو سوشل میڈیا پر وائرل ہوئی اور پاکستانی مداحوں کی جانب سے اداکار کی کوشش کو خوب سراہا گیا۔