پاکستان ڈرامہ انڈسٹری کی سینئر اداکارہ روبینہ اشرف کی حالت خطرے سے باہر ہے اوران کی صحت بہتر ہورہی ہے۔

تفصیلات کے مطابق روبینہ اشرف کے خاندانی ذرائع کا کہنا ہے کہ اداکارہ کا 3 جون کو کورونا کا ٹیسٹ مثبت آیا تھا جس کے بعد انہوں نے گھر میں ہی خود کو قرنطینہ کرلیا تھا۔

تاہم طبیعت کی خرابی کے باعث انہیں دو روز قبل کلفٹن کے نجی اسپتال کے انتہائی نگہداشت وارڈ میں ایڈمٹ کیا گیا تھا جہاں وہ کورونا وارڈ میں زیر علاج ہیں۔

خیال رہے کہ روبینہ اشرف  کو کورونا وائرس کی وجہ سے سانس لینے میں دشواری کا سامنا تھا۔

ان کے خاندانی ذرائع کا کہناہےکہ اداکارہ کی صحت بہتر ہورہی ہے اور اب اُن کی حالت خطرے سے باہر ہے۔