پاکستان میوزک انڈسٹری کی معروف گلوکارہ آئمہ بیگ کا نیا گانا ’Te Quiero‘ریلیز ہوگیا ہے۔

 انسٹاگرام پر آئمہ بیگ نے اپنے نئے گانے ’Te Quiero‘ کی ویڈیو شیئر کی جسے اُن کے مداح خوب پسند کر رہے ہیں۔

آئمہ بیگ کے اِس گانے کا عنوان ہسپانوی زبان میں ہے جس کا اُردو زبان میں مطلب ہے ’’کسی سے اپنی محبت کا اظہار کرنا‘‘۔

’Te Quiero‘ میں آئمہ بیگ کے ساتھ مشہور نوجوان گلوکار ہادی اُپل بھی ہیں، دونوں گلوکاروں نے اِس گانے میں اپنی آواز کا جادو جگانےکے ساتھ ساتھ اداکاری بھی کی ہے۔

See more

آئمہ بیگ اور ہادی اُپل کے اس نئے گانے کو کمپوز کرنے والے شیراز اُپل ہیں جبکہ اِس گانے کو شکیل سہیل نے ترتیب دیا ہے۔

انسٹاگرام پر اپنے نئے گانے کی ویڈیو شیئر کرتے ہوئے آئمہ بیگ نےکہا کہ ’آخر کار ’Te Quiero‘ ریلیز ہوگیا اور مجھے یقین ہے کہ آپ سب ہمارا یہ نیا گانا سُن کر بےحد خوش ہوں گے۔‘

گلوکار ہ کاکہنا  تھا کہ  ’ہادی اُپل کے ساتھ کام کرنے پر بہت خوش ہوں اور اپنی ٹیم کی بھی شُکر گُزار ہوں۔‘

اُنہوں نے کہا کہ ’اُمید کرتی ہوں کہ آپ سب کو ہمارا یہ نیا گانا پسند آئے گا۔‘