اسلام آباد میں بھی کورونا وائرس کے صحتیاب مریضوں کے پلازما سے کورونا مریضوں کے علاج کا فیصلہ کیا گیا ہے۔

تفصیلات کے مطابق ہیلتھ سروسز ڈیپارٹمنٹ کی جانب سے پلازما رجسٹری مہم کا آغاز، صحتیاب مریضوں کا ڈیٹا اکٹھا کیا جائیگا، اس ضمن میں وفاقی دارالحکومت میں پلازما رجسٹری مہم کا آغاز کیا جارہا ہے۔

 ذرائع میٹروپولیٹن کارپوریشن کے مطابق پلازمار جسٹری مہم کا آغاز ہیلتھ سروسز ڈیپارٹمنٹ نےکیا ہے، مہم کا نام اسلام آباد پلازما رجسٹری انیشیٹیو رکھا گیا ہے

واضح رہے کہ وزیراعظم عمران خان کا کہنا ہے کہ اگراحتیاط نہ کی توبہت مشکل وقت آنے والا ہے، طے کردہ ضابطہ کار (ایس او پیز ) پر عمل کریں گے تو کیسز تیزی سے نہیں بڑھیں گے۔

وزیراعظم نے عوام میں کورونا سے متعلق آگاہی دینے پر زور دیتے ہوئے کہا کہ کورونا سے متعلق احتیاطی تدابیر پر عمل درآمد یقینی بنایا جائے اور تمام کاروبار اور اداروں کو جاری کردہ ضابطہ کار پر عمل درآمد کا پابند کیا جائے۔