وزیراعلیٰ سندھ سید مراد علی شاہ نے کہا ہے کہ صوبے میں 24 گھنٹوں کے دوران 1150 نئے کورونا کیسز سامنے آئے، آج مزید 27 افراد وبا سے انتقال کرگئے۔

تفصیلات کے مطابق کورونا کی صورت حال سے متعلق اپنے تازہ بیان میں وزیراعلیٰ سندھ کا کہنا ہے کہ وبائی مرض سے آج صوبے میں 27 مریضوں کی اموات ہوئیں جس کے بعد کورونا سے انتقال کرنے والوں کی تعداد1205 ہوچکی ہے۔

انہوں نے بتایا کہ سندھ میں گزشتہ 24 گھنٹے میں 5103 نئے ٹیسٹ کیے گئے، صوبے بھر میں اب تک 414248 ٹیسٹ ہوچکے ہیں، سندھ میں مجموعی طور پ 76318 کرونا کے کیسزرپورٹ ہوئے۔

ان کا کہنا ہے کہ آج مزید 1252 مریض صحت یاب ہوکر گھروں کو چلے گئے، مجموعی طور پر اب تک 41992 مریض صحتیاب ہوچکے ہیں، اس وقت 33121 مریض زیرعلاج ہیں۔