علامہ اقبال ایکسپریس کی بوگیوں میں آگ لگنے کے واقعہ کی ابتدائی تحقیقاتی رپورٹ تیار کرلی گئی جس پرمحکمہ نے 6 ملازمین کو معطل کر دیا گیا۔

تفصیلات کے مطابق ڈی ایس ریلویز لاہور عامر نثار کا کہناہے کہ علامہ اقبال ایکسپریس کی بوگیوں میں آگ کی ابتدائی تحقیقاتی رپورٹ موصول ہو گئی ہےجس کے بعد6 ملازمین کو معطل کیا گیا ہے۔

انہوں نے بتایا کہ معطل ہونے والے ملازمین میں گارڈ انچارج شیخ ارشاد، ڈرائیور عبدالمجید، اسسٹنٹ ڈرائیور محمد شہباز، ایس ٹی ای طارق محمود، ای ایف او پاور وین واشنگ لائن محمد وسیم اور اسٹیشن ماسٹر سودھرا کوبرا رانا ذیشان شامل ہیں۔

ڈی ایس ریلویز کے مطابق واقعہ کے ذمہ داروں کے خلاف سخت ایکشن لیں گے، علامہ اقبال ایکسپریس کی تین خالی بوگیوں میں گزشتہ روز وزیر آباد کے قریب آگ لگ گئی تھی۔