محکمہ موسمیات نے جولائی سے ستمبر کے درمیان مون سون بارشوں کی پیش گوئی کردی،پاکستان میں اس سال مون سون بارشیں معمول سے زیادہ ہوں گی

محکمہ موسمیات کے مطابق مون سون کے دوران سندھ اور کشمیر میں معمول سے 20 فیصد زیادہ بارشیں ہوں گی۔ مون سون میں پاکستان کے مشرقی دریاؤں میں سیلاب کا امکان اور بارشوں سے پہاڑی نالوں میں بھی سیلاب کا خدشہ ہے۔

محکمہ موسمیات کا کہنا ہے کہ بارشوں سے چاول کی فصل پر اچھے اور کپاس پر منفی اثرات مرتب ہوں گے۔

واضح رہے کہ مون سون میں ٹڈی دل کو افزائش کا سازگار ماحول ملے گا جبکہ آب پاشی اور پاور سیکٹر کیلئے وافر پانی دستیاب ہوگا۔