لاہور کے علاقے گجرپورہ میں مبینہ ڈکیتی کے دوران   لڑکی کو زیادتی کا نشانہ بنانے کے الزام میں پولیس نے 3 ملزمان کو حراست میں لے لیا۔

تفصیلات کے مطابق سی سی پی او لاہور ذوالفقار حمید کا کہنا ہے کہ ہومیو پیتھک کلینک پر بطور کمپاؤنڈر کام کرنے والی 20 سالہ لڑکی محمودہ کو مبینہ ڈکیتی کے دوران زیادتی کا نشانہ بنانے کے الزام میں 3 افراد ندیم، فیضان اور سلیم کو حراست میں لے لیا گیا ہے۔

سی سی پی او کا کہنا ہے کہ ایک ملزم قاسم کی گرفتاری کے لیے بھی چھاپے مارے جارہے ہیں۔

پولیس ذرائع کا کہنا ہے کہ زیر حراست ملزمان میں سے ایک متاثرہ لڑکی سے پہلے بھی زبردستی دوستی کرنا چاہتا تھا، ملزم نےمتاثرہ لڑکی کے انکار پر ڈکیتی کا رنگ دے کر زیادتی کا نشانہ بنایا ہے۔

پولیس حکام کا کہنا ہے تفتیش جاری ہے مزید حقائق جلد سامنے لائے جائیں گے ۔

واضح رہے کہ رواں ماہ کے اوائل میں ڈاکوؤں نےلوٹ مار کرنے کے بعد20  سالہ لڑکی کو زیادتی کا نشانہ بنایا تھا۔