متحدہ عرب امارات نے اپنا پہلا مشن “ہوپ پروب” مریخ  کیلئے روانہ کردیا۔

اماراتی میڈیا  کی رپورٹ کےمطابق ‏متحدہ عرب امارات کا مریخ پر جانے والا خلائی مشن “ہوپ” آج جاپان کے تانیگاشیما خلائی اڈے سے روانہ کیا گیا اور یہ 7 ماہ کے سفر کے بعد مریخ کے مدار میں پہنچے گا۔اس سے قبل اس کی 15 جولائی کے لیے طے شدہ لانچ کو خراب موسم کے باعث ملتوی کردیا گیا تھا۔

جاپانی خلائی مرکز سے مریخ مشن ’ہوپ پروب‘ کو بھیجا گیا، یواےای کی خلائی ایجنسی اورمحمدبن راشدخلائی مرکزدبئی نےمشن مریخ کی تیاریاں مکمل کیں جبکہ متحدہ عرب امارات خلیجی عرب ممالک میں پہلا ملک ہے جس نے  اپنا خلائی مشن مریخ روانہ کیا۔

متحدہ عرب امارات کی جانب سے بھیجے گئے خلائی  جہاز پر 200 ملین امریکی ڈالر خرچ ہوئے جبکہ خلائی جہاز 200دن کے بعد مریخ کے مدار میں پہنچے گا۔

پچاس کروڑ کلومیٹر طویل سفر کے بعد یہ روبوٹک خلائی جہاز فروری 2021 میں مریخ تک پہنچے گا، مریخ پر اس کی آمد متحدہ عرب امارات کے قیام کی 50 سالگرہ کے موقع پر ہوگی۔