کراچی میں انسداد دہشت گردی کی عدالت نے تاجر کے اغواء برائے تاوان اور قتل کے مقدمے میں لیاری گینگ وار کے سرغنہ عزیر بلوچ پر فرد جرم عائد کردی۔

تفصیلات کے مطابق اے ٹی سی میں عزیربلوچ کوسخت سیکیورٹی میں چہرہ ڈھانپ کراور ہتھکڑی لگا کرپیش کیا گیا، عدالت میں پیشی کے دوران فاضل جج نے مجرم کو فرد جرم پڑھ کر سنائی تاہم ملزم نے صحت جرم سے انکار کردیا۔

عزیر بلوچ  پر تاجر عبدالصمد کے اغواء برائے تاوان اور قتل کا الزام ہے، ملزم نے تاجر سے 10 لاکھ روپے تاوان طلب کیا اور70ہزارروپے لینےکے باوجود مغوی کوقتل کردیا تھا۔

دوسری جانب کٹہرے میں کھڑے لیاری گینگ وار کے سرغنہ نے نفی میں سر ہلا کر صحت جرم سےانکار کیا ، عدالت نے ملزم کے انکار پر آئی اواور گواہان کونوٹس جاری کرتے ہوئے آئندہ سماعت پر گواہان کو پیش کرنے کا حکم دیا۔

عزیر بلوچ کی پیشی کے موقع پر عدالت میں رینجرز کی بھاری تعینات تھی ، مذکورہ مقدمے میں عزیر بلوچ کا بھائی زبیر بلوچ ودیگر گرفتار ہیں اور دیگر ملزمان پر پہلے ہی فرد جرم عائد کی جاچکی ہے۔