پاکستان کی مشہور اداکارہ ثانیہ سعید جو کہ آج کل ڈراموں میں کم کم نظر آرہی ہیں، نے موجودہ ڈراموں کی خامیوں کا ذکر کر کے کام نہ کر نے کی وجہ بتا دی۔

تفصیلات کے مطابق ثانیہ سعید نے اپنے ایک حالیہ انٹرویو میں موجودہ پاکستانی ڈراموں پر تنقید کرتے ہوئے کہا ہے کہ آج کے ڈراموں میں معاشرتی مسائل پیش کرنے کا مقصد انہیں حل کرنا نہیں بلکہ ان سے فائدہ اٹھانا رہ گیا ہے۔

ذرائع کے مطابق وہ  اداکارہ وماڈل عفت عمر کے یوٹیوب پروگرام ’’سے اِٹ آل وِد عفت عمر‘‘ میں گفتگو کررہی تھیں۔

ثانیہ سعید نے کہا کہ آج کے ڈراموں میں جو مسائل پیش کیے جاتے ہیں ہم سب ان سے واقف بھی ہیں اور شاید ان کا سامنا بھی کرچکے ہیں، آج کے ڈراموں میں مسائل کو پیش کرکے صرف اور صرف ان سے فائدہ اٹھایا جاتا ہے، یہ سوچ ٹھیک نہیں ہے۔

انہوں نے پاکستانی ڈرامے کو بہتر بنانے کےلیے اسٹوڈیوز، آلات اور ایسی جگہوں کی ضرورت پر زور دیا جہاں ٹیکنیکل اسٹاف کو تربیت کی غرض سے بھیجا جاسکے۔