پاکستان شوبز انڈسٹری کے معروف کامیڈین اداکار سلمان شیخ عرف مانی نے مداحوں کے لیے ایس او پیز پر عملدرآمد کرنے سے متعلق پیغام جاری کر دیا۔

تفصیلات کے مطابق اداکار مانی نے فوٹو اور ویڈیو شیئرنگ ایپ انسٹاگرام پر ایک خاص انداز میں ایس او پیز پر عملدرآمد کرنے سے متعلق پیغام جاری کیا ہے۔

See more

See more

سلمان شیخ نے اپنی کچھ تصاویر پوسٹ کیں جس میں اداکار جیم میں موجود ہیں اور اپنی فٹنس کے لیے ٹریننگ کرتے نظر آرہے ہیں۔

 جبکہ تصاویر میں واضح طور پر دیکھا جاسکتا ہے کہ جِم میں اداکار اکیلے ہی موجود ہیں اور وہ بخوبی کورونا سے بچاؤ کے لیے جاری کردہ ایس او پیز کا خیال رکھ رہے ہیں۔

تصاویر پوسٹ کرتے ہوئے سلمان شیخ نے کیمشن میں لکھا کہ ،

ٹوئنکل ٹوئنکل لیٹل اسٹار
ہٹ دی جیم اینڈ لیفٹ دی بار

اِس کا مطلب یہ ہے کہ کیفے اور بارز جانے سے گریز کیجیے اور خود کو فٹ رکھنے کے لیے جِم جائیے۔

دوسری جانب اداکار نے بتایا کہ میں تمام ایس او پیز کا خیال رکھتے ہوئے جیم میں اکیلا ہی ہوں۔

یاد رہے کہ پاکستان میں کورونا وائرس کے کیسز کی تعداد 2 لاکھ 69 ہزار 191 ہو چکی ہے، جبکہ اس موذی وباء سے جاں بحق افراد کی کُل تعداد 5 ہزار 709 تک جا پہنچی ہے۔

واضح رہے کہ سلمان شیخ کی اِس پوسٹ کو اُن کے مداحوں کی جانب سے بہت پسند کیا جارہا ہے۔