پاکستان کرکٹ ٹیم کے سابق کپتان وسیم اکرم کی اہلیہ و سماجی کارکن شنیرا اکرم نے سوشل میڈیا پر ایک مزاحیہ پوسٹ شئیر کی ہے جس میں انہوں نے والدین کے جذبات دو مختلف تصاویر کے ذریعے بیان کردیئے۔

شنیرا اکرم نے اپنے انسٹاگرام پر ایک فوٹو کولاج پوسٹ کیا،جس کی ایک تصویر میں ایک شخص غصے سے چیختا نظر آرہا ہے جبکہ دوسرا شخص اپنی جیت کی خوشی میں چلّاتا ہوا دکھائی دیتا ہے۔

شنیرا اکرم نے پوسٹ شئیر کرتے ہوئے لکھا کہ صرف یہ دو ہی وہ جذبات ہیں جو صرف والدین ہی محسوس کرسکتے ہیں۔

See more

اُنہوں نے کہا کہ جب والدین اپنے بچے کو سُلانے کی کوشش کریں لیکن اُن کا بچہ نہ سوئے اور والدین کو اس ناکامی کا سامنا کرنا پڑے تو وہ اس طرح غصے سے چیختے ہیں۔

شنیرا نے لکھا کہ اور جب والدین اپنے بچے کو سُلانے میں کامیاب ہوجائیں تو پھر وہ دوسرے شخص کی طرح خوشی چِلّاتے ہیں اور اپنی جیت کا جشن مناتے ہیں۔

شنیرا کی اس پوسٹ پرمداحوں کی جانب سے خوب پسندیدگی کا اظہار کیا گیا اور  سوشل میڈیا پر دلچسپ تبصرے بھی کیے گئے۔