پائلٹس کی تنظیم پالپا کا کہنا ہے کہ سول ایوی ایشن کا پائلٹس کے لائسنسوں کو کلئیر قرار دینا ہمارے موقف کی جیت ہے۔

تفصیلات کے مطابق پالپا کا کہنا تھا کہ وزیر  ہوابازی اور پی آئی اے انتظامیہ نے قومی ایئرلائن اور دیگر ملکوں میں کام کرنے والے پائلٹس کو نقصان پہنچایا۔

ڈی جی سول ایوی ایشن کے خط میں پائلٹس کے لائسنس کلیئر قرار دینے کے معاملے پر پالپا کی جانب سے جاری اعلامیے میں کہا گیا ہے کہ حکومت کی جانب سے پائلٹس کے لائسنس کو مشکوک قرار دینے سے پی آئی اے کی ساکھ شدید متاثر ہوئی۔

اعلامیے میں مزید کہا گیا ہے کہ ڈی جی سول ایوی ایشن نے خود تسلیم کر لیا کہ سی اے اے نے درست لائسنس جاری کیے، پائلٹس کے لائسنس کے معاملے کو غلط انداز میں میڈیا اور سوشل میڈیا پر پیش کیا گیا۔