مسلم لیگ ن کےرہنما خواجہ آصف نے قومی اسمبلی میں سوال اٹھاتے ہوئے کہا ہے کہ حکومت قانون سازی کرکے کلبھوشن کو کیوں رعایت دی رہی ہے؟ حکومت کیوں ایک بھارتی جاسوس کی سہولت کار بنی ہوئی ہے؟
قومی اسمبلی میں اظہار خیال کرتے ہوئے خواجہ آصف نے کہا کہ کلبھوشن پاکستان کا مجرم ہے، اس نے اقبال جرم کیا اسے سزا سنائی گئی، ہم کبھی تجارت کھول رہے ہیں کبھی کلبھوشن پر آرڈیننس نکالتے ہیں،کشمیر مقتل بنا ہوا ہےآج کون مودی کا یار ہے؟پاکستان کی عزت کیوں بیچ رہے ہیں؟

خواجہ آصف  کا کہناتھا کہ نیب بل کا مسودہ ہمیں دیا جائے تاکہ ہم اسے دیکھ لیں پارلیمانی کمیٹی بن رہی ہے تو آج کے تمام بلز کمیٹی کو بھیج دیے جائیں۔

ایوان میں وزیر مملکت علی محمد خان نے کہا کہ ہم کسی کو سزا نہیں دیتے، سزا صرف اللہ دیتا ہے، سزا دینے کے لیے آپ نے ہی ایک ادارہ بنایا، کونسل آف کمپلینٹ چینلز کی شکایات کا ازالہ کرتے ہیں۔

ان کا کہنا تھا کہ کشمیر کے جھنڈے کے حوالے سے معاملے کو آسان نہیں لیا جائے گااس معاملے کی تحقیقات جاری ہیں۔