نیوزی لینڈ کے وزیر صحت ڈیوڈ کلارک کورونا وائرس کے پیش نظر ہونے والے لاک ڈاؤن کی خلاف ورزی کے مرتکب ہونے پر مستعفی ہوگئے۔

غیر ملکی خبر ایجنسی کے مطابق ڈیوڈ کلارک نے لاک ڈاؤن قواعد کی خلاف ورزی کی اور حکومت کے کورونا وائرس کے خلاف ردعمل پر تنقید کی جس کے بعد انہوں نے اپنے عہدے سے استعفیٰ دے دیا۔

نیوزی لینڈ کی وزیرِاعظم جسنڈا آرڈرن نے ڈیوڈ کلارک کا استعفیٰ منظور کرلیا ہے۔

خبرایجنسی کے مطابق ڈیوڈ کلارک نے کورونا وائرس کی وبا کے دوران اپنے خاندان کو ساحل پر لے جا کر لاک ڈاؤن قواعد کی خلاف ورزی کی تھی۔

خیال رہے کہ نیوزی لینڈ میں 1530 کورونا وائرس کے کیسز رپورٹ ہوئے جن میں سے 18 فعال ہیں۔ کورونا وائرس سے مرنے والوں کی تعداد 22 جبکہ صحت یاب افراد کی تعداد 1490 ہے۔