شادی ہال ایسوسی ایشن نے مطالبات کی منظوری کیلئے آج سے ملک گیر احتجاج کا اعلان کردیا۔

تفصیلات کے مطابق صدر شادی ہال ایسوسی ایشن نے اعلان کیا ہے کہ آج آل پاکستان شادی ہال اونر ایسوسی ایشن ملک بھر میں شادی ہالز کی بندش کیخلاف احتجاج کریں گے۔

صدر شادی ہال ایسوسی ایشن کا کہناہے کہ حکومت سے اپیل کرتے ہیں شادی ہال کھولنے کی اجازت دی جائے۔ مطالبات پر نظر ثانی نہ کی گئی تو وزیر اعلیٰ ہاوس کی جانب مارچ کریں گے۔ ملک بھر کے پریس کلب میں جمع ہوکر احتجاج ریکارڈ کروایا جائے گا۔

دوسری جانب حکومت کی جانب سے تاحال شادی ہال ایسوسی ایشن کیساتھ کسی قسم کے مذاکرات یا ان کے مطالبات پر نظرثانی سے متعلق کوئی اعلان سامنے نہیں آیا ہے۔

قبل ازیں 6 جولائی کی پریس کانفرنس میں شادی ہال ایسوسی ایشن کے صدر خالد ایوب کا کہنا تھا کہ حکومت نے شادی ہالز ریسٹو رینٹس کو اتنی مشکل میں کیوں ڈالا؟، شادی ہالز اور ریسٹو رینٹس میں تمام ایس او پیز موجود ہیں، شادی ہالز میں ہر کوئی صاف ستھرا ہوکر جاتا ہے، ہمارے برتن فرنیچر سب کچھ صاف ہوتا ہے، اگر حکومت نے ہمیں کام کی اجازت نہ دی اور ایسے کیا تو 3 سال تک کوئی ٹیکس نہیں دیں گے۔