چین کے بعد امریکا میں بھی گلہریوں میں   طاعون کے وائرس کی تصدیق کی گئی ہے ۔

غیر ملکی خبررساں ادارے کے مطابق امریکی ریاست کولوراڈو میں شک کی بنیاد پر گلہریوں کا ٹیسٹ کیا گیا جن میں طاعون کی تصدیق ہوئی ہے۔

 طاعون کی تصدیق ہونے کے بعد حکام نے شہریوں کو احتیاط برتنے کی ہدایت کرتے ہوئے  گلہریوں سے دوررہنے کی ہدایت  کی  ہے  ۔

حکام کا کہنا ہے کہ مردہ گلہری ملنے پر فوری طور محکمہ صحت کو مطلع کریں۔

حکام کے مطابق رواں سال میں  گلہری میں  طاعون  کا پہلا کیس سامنے آیا ہے ۔

 واضح رہے کہ گزشتہ روز چین میں 15 سالہ لڑکا طاعون کی وجہ سے ہلاک ہوگیا تھا جس کے بعد لڑکے سے رابطہ رکھنے والے 15 افراد کو قرنطینہ کردیا گیا۔

لیبارٹری ٹیسٹ میں بچے کے طاعون میں مبتلا ہونے کی تصدیق ہوگئی ہے جو ایک گلہری سے بچے میں منتقل ہوا تھا۔

چین کے ادارہ قومی صحت نے لڑکے سے میل جول رکھنے والے 15 افراد کو قرنطینہ کردیا گیا اور سب کے ٹیسٹ لیے گئے ہیں۔ منفی آنے پر ان لوگوں کو گھر جانے کی اجازت دے دی جائے گی تاہم منگولوں کے ایک گاؤں میں ابتدائی طور پر نافذ کی گئی ایمرجنسی ہٹا دی گئی ہے۔