گورنر سندھ عمران اسماعیل کا کہنا ہے کہ کراچی میں بارش کی وجہ سے ہونے والے جانی نقصانات پر شدید دکھ ہے۔

مائیکرو بلاگنگ ویب سائٹ ٹوئٹر پر جاری کردہ اپنے پیغام میں گورنر سندھ عمران اسماعیل نے کہا کہ کراچی میں بارش کی وجہ سے ہونے والے جانی نقصانات پر افسوس ہے اور اس سلسلے میں اداروں سے کہا ہے کہ لوگوں کی مدد کریں۔

عمران اسماعیل کا مزید کہنا تھا کہ کراچی کو تنہا نہیں چھوڑ سکتا کیونکہ یہ شہر ہمارا ہے۔

گورنر سندھ عمران اسماعیل نے کہا کہ بارش کے نقصانات پر وزیراعظم عمران خان سے بات کروں گا اور آئندہ ایسے اقدامات کریں گے کہ اس طرح کی صورت حال سے نمٹا جاسکے۔

واضح رہے کہ گزشتہ روز کراچی میں ہونے والی بارش کے باعث مختلف حادثات میں  کئی افراد جاں بحق ہوئے ہیں۔