ترکی کی قدیم مسجد آیا صوفیہ میں 86 برس بعد گزشتہ روز نمازِ جمعہ کی ادائیگی کی گئی جس میں ترک صدر سمیت متعدد معروف شخصیات نے شرکت کی۔

اس موقع پر معروف ترک سیریز ’دیرلیش ارطغرل‘ کے بھی چند اداکاروں نےبھی آیا صوفیہ میں 86 سال بعد ہونے والے روح پرور جماعت میں شرکت کی۔

دیرلیش ارطغرل میں مرکزی کردار ارطغرل کے خاص سپاہی کا کردار ادا کرنے والے عبدالرحمان ’جلال‘ نے بھی آیا صوفیہ میں با جماعت نماز ادا کی اور مسجد کا دورہ کیا ۔

See more

ترک اداکار جلال نے آیا صوفیہ مسجد میں لی گئیں دلکش تصاویر اپنے  انسٹاگرام اکاؤنٹ پر شیئر کرتے ہوئے اللّٰہ کا شکر ادا کیا گیا ۔

 ارطغرل غازی کے سیزن 3 اور 4 میں اصلیحان خاتون کا اہم ترین کردار ادا کرنے والی گُلسم علی نے بھی تاریخی مسجد آیا صوفیہ کا دورہ کیا۔

گُلسم علی نے اپنے انسٹا گرام اکاؤنٹ پر اپنی ایک خوصورت تصویر بھی شیئر کی ہے۔

See more

گزشتہ روز آیا صوفیہ میں نمازِ جمعہ کی ادائیگی کے لیے ناصرف مسجد کے اندر بلکہ باہر بھی لوگوں کی بڑی تعداد موجود تھی۔

واضح رہے کہ رواں ماہ ترکی کے صدر رجب طیب اردوان نے استنبول کی تاریخی اہمیت کی حامل عمارت آیا صوفیہ کو مسجد میں تبدیل کرنے کے صدارتی حکم نامے پر دستخط کیے تھے۔