سپریم کورٹ میں کورونا وائرس ازخود نوٹس کیس کی سماعت کے دوران وفاقی حکومت نے مہلک وائرس پر پیشرفت رپورٹ عدالت میں جمع کرا دی۔

تفصیلات وفاقی حکومت رپورٹ میں عدالت کو آگاہ کیا گیا ہے کہ وزارت صحت نے کورونا کے دوران فرنٹ لائن ہیلتھ ورکرز کو ایک اضافی تنخواہ کا اعلان کیا تھا اور اضافی تنخواہ کے معاملے پر صوبوں سے مشاورت کا کوئی مثبت نتیجہ نہیں نکلا۔

رپورٹ میں کہا گیا ہے کہ صوبے عدالتی احکامات کی روشنی میں اپنی رپورٹس سپریم کورٹ میں جمع کرائیں گے۔

وفاقی حکومت کی رپورٹ کے مطابق جان بچانے والی ادویات کی قیمتوں میں اضافے اور ذخیرہ اندوزی سے متعلق صوبوں کو خطوط لکھ دیے ہیں۔

رپورٹ میں کہا گیا کہ صوبے ادویات کی قیمتوں میں اضافے اور ذخیرہ اندوزی پر انفرادی رپورٹس سپریم کورٹ میں جمع کرائیں گے۔