کورونا وائرس سے متاثرہ مریضوں پر جوڑوں کے درد میں استعمال ہونے والے انجکشن ’ایکٹمرا‘ کے استعمال کے مثبت نتائج برآمد ہوئے۔

جنرل اسپتال لاہور کے مطابق کورونا وائرس کے تشویشناک حالت والے 54 مریضوں کو انجکشن لگایا گیا،جس میں 75فیصد مریض 2 انجکشن لگنے سے صحتیاب ہوگئے۔

ڈاکٹروں کا کہناہے کہ انجکشن لگنے سے 7 افراد کی موت ہوئی ،جو پہلے سے ہی گردوں اور شوگر کے مریض تھے۔

ڈاکٹروں کا مزید کہناہےکہ صرف اس انجکشن سے فائدہ نہیں ہوتا ،دیگر دوائیں بھی ساتھ دی جاتی ہیں۔

ڈاکٹروں کے مطابق درد سے نجات دلانے والے انجکشن سے مریض کے گردے متاثر ہونے اور دیگر انفیکشنز ہونے کا خطرہ بھی رہتا ہے۔