کراچی کے مختلف علاقوں میں ایک بار پھر تیز بارش کا سلسلہ شروع ہو گیا۔

 شہر ِقائد میں تیز بارش کے باعث متعدد علاقے ڈوب گئے ، سڑکیں اور  گلیاں ندی اورتلابوں کا منظر  پیش کر رہی ہیں ۔

 تیز بارش کے باعث  نارتھ ناظم آباد،اورنگی ٹاون،بفرذون،ناگن چورنگی،کے ڈی اے چورنگی، اورنگی ٹاؤن  ی پر کئی کئی فٹ پانی جمع ہوگیا  ہے ۔

  پانی کے باعث ریسکیو اداروں نے شہریوں کی مدد کیلئے کشتیاں چلادیں، ریسکیو اہلکاروں نے اورنگی ٹاؤن  میں مدرسے کی بچیوں کو کشتی پر ریسکیو کیا۔

دوسری جانب  شہر میں تیز بارش کے باعث واٹر پمپ کے قریب نجی بینک میں بارش کا پانی بھرگیا جس کے بعد بینک کا عملہ میزوں پر چڑھ  گیا ۔

ادھر تیز بارش اور نکاسی کا انتظام  نہ ہونے کی وجہ سے  پاپوش نگراورحبیب بینک سائٹ کو ملانےوالا نالا مکمل طورپربھر گیا جس کے بعد نالے کا پانی ملحقہ علاقوں کے گھروں میں داخل ہوگیا  ۔

واضح رہے کہ گزشتہ روز موسلادھاربارش کے بعد شاہراہوں پر پانی جمع ہو گیا اور گاڑیاں بند ہونے سے شہریوں کو  پریشانی کا سامنا کرنا پڑا،گلستان جوہر  بلاک 12 میں پانی جمع ہونے سے کھڑی گاڑیاں ڈوب گئیں جبکہ اسکیم 33 میں واقع رہائشی سوسائٹی میں بارش کا پانی گھروں میں داخل ہوگیا۔

 مختلف علاقوں میں بارش کے باعث 550 سے زائد فیڈر متاثر ہونے سے شہر کے 80 فیصد علاقوں کو بجلی کی فراہمی معطل ہوگئی۔

 گزشتہ روز بارش کےدوران کرنٹ لگنےکے مختلف واقعات میں بچے سمیت 3افراد جاں بحق بھی ہوگئے۔