مسلم لیگ ن کی جانب سے مشیروں کو نجکاری کمیٹی سے نکالنے کا مطالبہ کردیا گیا۔

تفصیلات کے مطابق اپوزیشن جماعت ن لیگ نے اسپیکر قومی اسمبلی اسد قیصر کو خط لکھا  ہے جس میں مشیر خزانہ، تجارت اور مشیر برائے ادارہ جاتی اصلاحات کو نجکاری کمیٹی سے نکالنے کا مطالبہ کیا گیا ہے۔

اسپیکر کو خط میں کہا گیا ہےکہ کابینہ کمیٹی برائے نجکاری میں مشیروں کوشامل کرنا آئین کی خلاف ورزی ہے کیونکہ مشیر آئین کےتحت حلف نہیں اٹھاتے اس لیے آئین، جمہوریت کے محافظ نہیں ہوتے۔

خط میں مزید کہا گیا کہ روز ویلٹ ہوٹل کی نجکاری یاجوائنٹ وینچرکے تحت چلانےکی اجازت نہیں دی جا سکتی اور اس وقت دنیا بھر میں ہوٹل انڈسٹری بحران میں ہے ایسےمیں روزویلٹ پرفیصلہ کیوں کیا گیا؟

مسلم لیگ ن کا کہناتھا کہ اسد قیصر بطور اسپیکر آئین کےمحافظ ہیں اور اس سلسلے میں وہ نجکاری کمیٹی سے مشیروں کو نکالنے کی عمل داری کو یقینی بنائیں۔