کراچی میں آج موسم گرم اور مرطوب رہے گا جبکہ محکمہ موسمیات نے اگلے ہفتے بارشوں کی پیش گوئی کردی  ہے۔

محکمہ موسمیات کے مطابق کراچی میں آج  درجہ حرارت 36 سے 38 ڈگری سینٹی گریڈ تک جانے کا امکان ہے جبکہ  شہر  ِ قائد میں آج موسم گرم اور مرطوب رہے گا۔

 محکمہ موسمیات کا کہنا ہے کہ شہر میں آج جنوب مغربی سمت سے ہواؤں کی رفتار 26 کلو میٹر فی گھنٹہ ہے جبکہ ہوا میں نمی کا تناسب 60 فیصد ہے۔

محکمہ موسمیات نے شہر میں بارشوں کی بھی پیش گوئی کردی ہے۔

ڈائریکٹر محکمہ موسمیات کا کہنا ہے کہ 6 سے 8 جولائی کو درمیانے درجے کی بارشیں ہو سکتی ہیں جبکہ   رواں سال معمول سے 10 فیصد زیادہ بارشیں متوقع ہیں۔

محکمہ موسمیات کے مطابق بارشوں سے شہر میں گرمی کی شدت میں کمی ہونے کا امکان ہے۔