مسلم لیگ ن کے رہنما خواجہ سلمان رفیق کا کہنا ہے کہ  یہ حکومت ہر بحران پیدا کرتی ہے، بحران پیدا کرکے حکومت این ڈی ایم اے کے ذمہ ڈال دیتی ہے۔

مسلم لیگ ن کے رہنما خواجہ سعد رفیق اور سلمان رفیق نے نیب عدالت کے باہرمیڈیا سے گفتگو کرتے ہوئے کہا کہ وفاقی اور پنجاب حکومت مکمل طور پر ناکام حکومتیں ہیں، لاک ڈاؤن کے حوالے سے عمران خان کی پالیسی کنفیوژن کا شکار تھیں۔

سلمان رفیق نے کہا کہ حکومت نے کورونا کے حوالے سے کوئی پیشگی انتظامات نہیں کیے اور نہ ہی ڈاکٹروں کو کوئی حفاظتی کٹس اور الاونس دیئے گئے۔

انہوں نے کہا ہے کہ ڈاکٹروں کی حفاظت نہیں ہوگی تو علاج کون کرے گا، ریاستی اور حکومتی مفادات ایک دوسرے سے متصادم ہیں، حکومت کا یہی رویہ رہا تو پاکستان کو ناقابل تلافی نقصان ہوسکتا ہے۔