ملک کے بیشتر علاقوں میں آج بھی بارش کا امکان ہے۔

محکمہ موسمیات کے مطابق لاہور، راولپنڈی، اسلام آباد، چکوال، گجرات، ملتان، ڈی جی خان سمیت پنجاب بھر میں آج آندھی اور گرج چمک کے ساتھ بارش کا امکان ہے۔

دوسری جانب سندھ کے شہروں کراچی، ٹھٹھہ، بدین، میرپور خاص اور مٹھی میں بھی ہلکی اور تیز بارش کا امکان ہے۔

ذرائع کے مطابق خیبر پختونخوا، شمال مشرقی بلوچستان، گلگت بلتستان اور کشمیر کے بیشتر علاقوں میں بھی گرج چمک کے ساتھ بارش کا امکان ہے۔

واضح رہےکہ گزشتہ 24 گھنٹے کے دوران خیبرپختونخوا، بالائی پنجاب، کشمیر، کراچی اور اسلام آباد میں آندھی اور گرج چمک کے ساتھ بارش ہوئی جبکہ ملک کے دیگر حصوں میں موسم گرم اور مرطوب رہا۔