لاہور ہائیکورٹ کی جانب سے کورونا وبا سے بچاؤ کی دواوں کی عدم دستیابی پر ڈرگ ریگولیٹری اتھارٹی پاکستان (ڈریپ) سے رپورٹ طلب کرلی گئی ہے۔

لاہور ہائیکورٹ میں جسٹس ساجد محمود سیٹھی نے اظہر صدیق ایڈووکیٹ کی درخواست پر سماعت کی اور ملک میں مہلک وبا سے بچاؤ کی ادویات کی عدم دستیابی پر برہمی کا اظہار کیا۔

عدالت نے ڈریپ سے اس معاملے پر رپورٹ بھی طلب کرلی، نجی اسپتالوں میں کورونا کے مہنگے علاج پر بھی رپورٹ مانگی گئی ہے۔

عدالت نے کہا ہے کہ کورونا سے بچاؤ کی ادویات کی فراہمی یقینی بنائی جائے اور کورونا کے علاج معالجے کیلئے کیے گئے اقدامات کی بارے میں بتایا جائے۔