عثمان ڈار کا کہنا ہے کہ خوشی ہے 10 لاکھ نوجوان ٹائیگر فورس کا حصہ بنے۔

تفصیلات کے مطابق وزیراعظم کے معاون خصوصی عثمان ڈار نے اپنے ایک بیان میں کہا ہے کہ  عالمی سطح پر بھی ٹائیگر فورس کو پذیرائی مل رہی ہے، ٹائیگر فورس کا مقصد نوجوانوں کو با اختیار بنانا ہے۔

معاون خصوصی نے کہا کہ وزیر اعظم عمران خان نے ٹائیگر فورس ڈے منانے کا فیصلہ کیا، مجھے خوشی ہےکہ 10 لاکھ نوجوان ٹائیگر فورس کا حصہ بنے، جس میں سے تین لاکھ نوجوانوں نے کورونا کے دوران خدمات دیں۔

عثمان ڈار نے کہا کہ پنجاب انفارمیشن ٹیکنالوجی بورڈ نے ٹائیگر فورس کی رجسٹریشن کے لیے اپلی کیشن بنائی ہے، وزیراعظم نے فیصلہ کیا ہے کہ 9 اگست کو ٹائیگر فورس کے ساتھ شجرکاری کریں گے۔