پب جی گیم کی بحالی کے بعد سے سماجی را بطے کی ویب سائٹ ٹوئٹرپر تھینک یو وقار ذکا کا ٹرینڈ سرفہرست ہے۔

تفصیلات کے مطابق پاکستان میں مقبول آن لائن پب جی گیم بحال ہوگیا ہے جس پر نوجوان گیمرز سوشل میڈیا پر ٹی وی میزبان اور یوٹیوبر  وقار زکا کا شکریہ ادا کر رہے ہیں۔

پی ٹی اے نے یکم جولائی کو ’پب جی‘ گیم پر عارضی طور پر پابندی عائد کی تھی ۔

اس پر پی ٹی اے نے وضاحت دی تھی کہ معاشرے کے مختلف طبقات کی جانب سے آن لائن گیم پب جی کے خلاف متعدد شکایات کو مد نظر رکھتے ہوئے گیم پر عارضی طور پر پابندی عائد کرنے کا فیصلہ کیا گیا ہے۔

We need to thank this man who stood for e-sports when nobody else did. #ThankyouWaqarZaka#ZakaWaqar pic.twitter.com/kRBhJr6Jam

— Irtsam_Ali (@irtsam_ali) July 24, 2020

دوسری جانب پی ٹی اے کے اس فیصلے کے خلاف سوشل میڈیا پر سب سے پہلے وقار زکا نے آواز اٹھائی اور اس پر سے پابندی ہٹانے کے لیے پٹیشن بھی دائر کی ۔

وقار زکا نے پٹیشن میں مؤقف اختیار کیا تھا کہ اس فیصلے سے پاکستان میں ٹیکنالوجی کو فروغ ملنے کے بجائے نقصان پہنچ رہا ہے، یہ پاکستانی نوجوانوں کی ای اسپورٹس سے دوری کا طریقہ ہے جب کہ دنیا کہاں سے کہاں جا رہی ہے۔

Love him, Hate him, call him attention seeker or whatever to satisfy your ego. But you can't deny the fact that he is standing up for every issue like every influencer should. Not a keyboard warrior.

The Hero we don't deserve but the hero we need.@ZakaWaqar #thankyouwaqarzaka pic.twitter.com/wBnVH8KpVK

— Ahmad³⁴ (@Ahmadridismo) July 24, 2020

پھر دیکھتے ہی دیکھتےسوشل میڈیا پر اس گیم پر لگائی جانے والی پابندی کے حوالے سے ایک نئی بحث چھڑ گئی۔

آج اسلام آباد ہائی کورٹ نے پب جی پر پابندی ختم کرتے ہوئے اسے فوری طور پر بحال کرنے کا حکم دے دیا۔

عدالت کے اس فیصلے کے بعد ٹوئٹرپرتھینک یو وقار ذکا کا ٹرینڈ سرفہرست ہے۔