دورہ  انگلینڈ میں موجود قومی ٹیم کے فاسٹ  باؤلر حارث رؤف کا کورونا ٹیست ایک بار  پھر مثبت آگیا ہے ۔

تفصیلات کے مطابق  فاسٹ باؤلر حارث رؤف کا کورونا ٹیسٹ ایک مرتبہ پھرمثبت آگیا جس کے بعد ان کی جگہ فاسٹ بالر محمد عامر کو ٹیم میں شامل کیا جائے گا۔

ذرائع کے مطابق حارث رؤف کی جگہ ٹی 20 ٹیم میں محمد عامر کی شمولیت کا امکان ظاہر کیا گیا ہے۔ محمد عامر اگلے چند دن میں انگلینڈ روانہ ہوں گے۔

واضح رہے کہ محمد عامر نے بیٹی کی ولادت کی وجہ سے انگلینڈ جانے سے معذرت کرلی تھی۔

انگلینڈ اور پاکستان کے درمیان ٹی 20میچز کی سیریز مانچسٹر میں ہوگی جہاں 28، 30 اگست اور یکم ستمبر کو میچز ہوں گے، پہلا اور تیسرا ٹی 20ڈے نائٹ ہوگا جبکہ دوسرا ٹی 20 دن میں کھیلا جائے گا۔