وفا قی وزیر اسد عمر کا کہنا ہے کہ مریضوں میں کمی عوام کا بہتر رویہ اور انتظامی اقدامات کا نتیجہ ہے۔

تفصیلات کے مطابق وفاقی وزیر برائے منصوبہ بندی اسد عمر نے سماجی رابطے کی ویب سائٹ ٹویٹر پر جاری اپنے پیغام میں کہا ہے کہ کچھ لوگ کو رونا کیسز میں کمی کو ٹیسٹنگ میں کمی قرار دے رہے ہیں،مریضوں میں کمی کی وجہ ٹیسٹ میں کمی نہیں بلکہ عوام کا بہتر رویہ ہے، احتیاط میں کمی کرنے سے وبا کا پھیلاؤ بڑھ سکتا ہے۔

انہوں نے مزید کہا کہ یکم جون سے 15 جون تک اوسطاً 23 ہزار 403 ٹیسٹ ہوئے، جن میں سے 5 ہزار 56 ٹیسٹ مثبت آئے، جبکہ یکم جولائی سے 15 جولائی تک 22 ہزار 969 ٹیسٹ جن میں 3 ہزار 97 مصدقہ کیسز کی تصدیق ہوئی۔

جون 1 سے 15 اوسط ٹیسٹ 23،403 اور جولائی 1 سے 15 اوسط ٹیسٹ 22،969. جون 1 سے 15 اوسط کرونا کیس 5،056 اور جولائی 1 سے 15 اوسط کیس 3،097. مریضوں میں کمی عوام کے بہتر رویہ اور انتظامی اقدامات کا نتیجہ ہے ، ٹیسٹ میں کمی کی وجہ سے نہیں. احتیاط میں کمی سے وبا کا پھیلاؤ بڑھ سکتا ہے

— Asad Umar (@Asad_Umar) July 16, 2020