پاکستان میں مقبولیت کے نئے ریکارڈ قائم کر نے والے ترک ڈرامہ ارطغرل میں اصلحان خاتون کا کردار نبھانے والی ترکش اداکارہ نے پاکستانی ٹیم کی بھارت کے خلاف جیت کا کلپ شیئر کر دیا۔

تفصیلات کے مطابق ترک ادکارہ اور ماڈل گلُسِم علی جنہوں نے اس ڈرامے میں اصلحان خاتون کا کردار نبھایا ہے ، نے اپنے انسٹا گرام اکاؤنٹ پر پاکستان کی بھارت کے خلاف جیت کا ایک یادگار کلپ شیئر کر دیا۔

ذرائع کے مطابق گُلسِم علی (اصلحان خاتون) کے شئیر کردہ اس کلپ میں پاکستان کے سابق ما یہ ناز کر کٹر شاہد آفریدی بھارت کے خلاف جارحانہ انداز سے کھیلتے ہوئے پاکستان کو فتح سے ہمکنار کرتے ہیں۔

یہ کلپ با لی ووڈ سپر اسٹار سلما ن خان کی فلم بجرنگی بھائی جان کا ہے جس میں کہانی کی منا سبت سے کشمیری لوگوں کو پاکستان کی فتح کے لیے دعائیں کرتے ہوئے دیکھا یا گیا ہے۔

جب سابق پاکستانی آل راؤنڈربو م بوم شاہد آفریدی میچ جتوانے والی شارٹ کھیلتے ہیں تو کشمیری لڑکی پاکستانی فتح کا جشن مناتے ہوئے پاکستانی پرچم کو چومتی ہے۔

See more

واضح رہے کہ اس سے پہلے بھی گُلسِم علی  پاکستان سے اظہار محبت کر چکی ہیں انہوں نے اپنی ایک پوسٹ میں کورونا وبا کے بعد پاکستان آنے کی خواہش کا بھی اظہار کیا تھا۔