لاہور میں چکی کے آٹے کی قیمت میں 2 روپے مزید اضافہ ہوگیا۔

تفصیلات کے مطابق آٹا چکی مالکان کی جانب سے آٹے کی قیمت میں مزید 2 روپے فی کلو کے اضافے سے شہری پریشان ہوگئے اور آٹے کی قیمت 70 روپے کلو تک پہنچ گئی ہے۔

آٹے کی قیمت میں اضافے کے بعد شہری اور تندور مالکان دونوں پریشان ہوکررہ گئے۔

آٹا چکی ایسوسی ایشن کے مطابق اوپن مارکیٹ میں گندم کی قیمت 2100 سے بڑھ کر 2300  روپے فی من ہوگئی ہے اور ڈیڑھ ماہ میں آٹے کی فی کلو قیمت میں 15 روپے فی کلو کا اضافہ ہوا ہے۔

چکی کے آٹےکی قیمت میں اضافے پر لوگوں نے حکومت کو شدید تنقید کا نشانہ بناتے ہوئے کہا کہ حکومت ہوش کے ناخن لے اور غریبوں کے منہ سے نوالہ نہ چھینے۔