لبنان کے دارالحکومت بیروت کی بندرگاہ میں دھماکوں سے ہلاک افراد کی تعداد 100 ہوگئی ہے۔

بین الاقوامی خبررساں ایجنسی کے مطا بق زخمیوں کی تعداد4ہزار سےزائد ہوگئی ہے جبکہ  دھماکے میں ہلاکتوں کی تعدادبڑھنے کا خدشہ ہے۔

ذرائع کے مطابق متعددافراداب بھی ملبے تلے دبے ہوئے ہیں، جب کہ تین ہزار سے زائد افراد زخمی ہیں۔

دھماکے سے چوبیس کلو میٹر دور تک کی عمارتوں کے شیشے ٹوٹ گئے، متعدد زخمیوں کی حالت نازک ہے جس کی وجہ سے اموات میں مزید اضافے کا خدشہ ہے۔

لبنان کے وزیراعظم حسن دیاب نے تصدیق کی ہے کہ دھماکے اس گودام میں ہوئے جہاں 2785 ٹن ایمونیم نائٹریٹ رکھا ہوا تھا ، انہوں نے کہا کہ تحقیقات جاری ہیں۔

واضح رہےکہ لبنانی وزیر اعظم نے آج یوم سوگ کا اعلان کیا ہے۔