وفاقی دارالحکومت اسلام آباد اور راولپنڈی میں چلنے والی میٹرو بس سروس بحال کر دی گئی۔

تفصیلات کے مطابق اسلام آباد تا راولپنڈی میٹرو بس سروس میں سفر کے لیے انتظامیہ نے ایس او پیز جاری کر دیے ہیں جس کے تحت میٹرو بس سروس میں کھڑے ہو کر سفر کرنے پر پابندی ہو گی۔

میٹرو بس سروس کی انتظامیہ کے مطابق مسافر سیٹ پر بیٹھ کر سفر کر سکیں گے۔

میٹرو بس سروس انتظامیہ کی جانب سے مسافروں کے لیے دورانِ سفر ماسک پہننا لازمی قرار دیا گیا ہے۔

خیال رہے کہ میٹرو بس سروس کورونا وائرس کے باعث عائد کیے جانے والے لاک ڈاؤن کی وجہ سے 23 مارچ کو بند کر دی گئی تھی۔