لاہور، راولپنڈی اور گوجرانوالہ میں کورونا کےنئے رپورٹ ہونے والے کیسز کے باعث مائیکرو اسمارٹ لاک ڈاؤن نافذ کردیا گیا ہے ۔

تفصیلات کے مطابق لاہور کے 12 مقامات سے 28 کورونا و کے کیسز رپورٹ ہوئے تھے جس کے بعد 19  ہزار  538  آبادی  والے  12  مقامات  پر مائیکرو  اسمارٹ لاک ڈاون  لگا دیا گیا ہے ۔

راولپنڈی کے بھی 3 مقامات پر مائیکرو اسمارٹ لاک ڈاؤن نافذ کیا گیا ہے۔ کورونا وائرس کے کیسز رپورٹ ہونے پر راولپنڈی کے 947 افراد کو لاک ڈاؤن کیا گیا۔

کورونا کے مثبت کیسز پر گوجرانوالہ میں 2 مقامات پر گھروں کا لاک ڈاؤن کیا گیا ہے۔

انتظامیہ کے مطابق مائیکرو اسمارٹ لاک ڈاؤن کا اطلاق 14 دن کے لیے ہوگا۔ جبکہ مذکورہ بالا علاقوں میں پولیس بھی تعینات کردی گئی ہے۔