پاک فوج کراچی کے سیلاب سے متاثرہ علاقوں کا فضائی جائزہ لیا گیا ہے۔

پاک فوج کےشعبہ تعلقات عامہ (آئی ایس پی آر) کی طرف سے جاری کردہ بیان کے مطابق کراچی کے متاثرہ علاقوں کا فضائی جائزہ لیا گیا ہے۔

ترجمان آئی ایس پی آر نے کہا کہ ملیرندی میں پڑنے والے شگاف کو پر کردیا گیا جس کے بعد شگاف بھرنے سے ماروی گوٹھ، مدینہ کالونی میں پانی آنا بند ہوگیا۔

ترجمان آئی ایس پی آر نے یہ بھی کہا کہ کے الیکٹرک کے گرڈ اسٹیشن پر ڈی واٹرنگ پمپنگ جاری ہے۔

دوسری جانب پاک فوج کےشعبہ تعلقات عامہ (آئی ایس پی آر) کی طرف سے جاری کردہ ایک اور بیان کے مطابق کراچی کے سیلاب سے متاثرہ علاقوں میں پاک فوج کا ریلیف اینڈ ریسکیو آپریشن جاری ہیں۔

 ترجمان آئی ایس پی آر نے کہا کہ سول انتظامیہ کے ساتھ مل کر مختلف علاقوں میں 32 میڈیکل کیمپ قائم کیئے گئے ہیں جبکہ سرجانی ٹائون، قیوم آباد اور سعدی ٹائون میں تین آرمی موبائل ہسپتال قائم کیئے گئے ہیں۔

مزید پڑھیں

معروف بھارتی اداکار انتقال کرگئے

معروف بھارتی اداکار مندیپ رائے انتقال کرگئے۔ بھارتی میڈیا رپورٹس کے مطابق...

کراچی: محمود آباد میں پولیس کی کارروائی، متعدد وارداتوں میں ملوث ملزمان گرفتار

کراچی کے علاقے محمود آباد میں پولیس نے کارروائی کرتے ہوئے متعدد...

کراچی میں سیلابی صورتحال، پاک فوج کا ریلیف اینڈ ریسکیو آپریشن جاری

شہر قائد میں مون سون کا سیزن تباہی مچا رہا ہے تاہم...

 ترجمان آئی ایس پی آر نے یہ بھی کہا کہ مشکلات میں گھرے عوام کی مدد کے لییے سول انتظامیہ کے ساتھ مل کر 56 ریلیف کیمپ قائم ہیں جبکہ 9 مقامات سے پانی نکالنے کا کام مکمل کیا گیا۔

 ترجمان آئی ایس پی آر کا کہنا ہےکہ عوام کو محفوظ مقامات تک منتقل کرنے کا عمل بھی جاری ہے جبکہ متاثرین کو پکا ہوا کھانا بھی فراہم کیا جا رہا ہے۔

یاد رہے کہ کراچی میں موسلادھار بارش کے بعد فوج اور رینجرز کی 70 ٹیمیں امدادی کاموں میں مصروف ہیں۔

واضح رہے کہ صوبہ سندھ میں مون سون بارشوں نے تباہی مچادی ہے جب کہ کراچی میں مسلسل بارش کے باعث کئی نشیبی علاقے زیر آب آگئے ہیں۔