کراچی میں شہر میں تیز بارشوں کے چوتھے اسپیل کی پیشگوئی پر سول ایوی ایشن انتظامیہ حرکت میں آگئی۔

تفصیلات کے مطابق محکمہ موسمیات نے تیز بارشوں کے چوتھے اسپیل کی پیش گوئی کردی ہے جس پر سول ایوی ایشن نے جناح ائیرپورٹ پر الرٹ جاری کردیا۔

سول ایوی ایشن نے ائیرپورٹ حکام کو کسی بھی ہنگامی صورتحال سے نمٹنے کے لیے اقدامات کی ہدایت کردی۔

سول ایوی ایشن کے محکمہ فائر میں بھی ہائی الرٹ کی وارننگ جاری کردی گئی ہے۔

سول ایوی ایشن نے چھوٹے طیاروں اور ہیلی کاپٹرز کے ساتھ اضافی وزن لگانے کی ہدایت کردی ہے۔

سی اے اے نے ہدایت کی ہے کہ ائیرپورٹ پر ہلکے آلات کو موسم کی خرابی پر محفوظ مقام پر منتقل کیا جائے۔

ائیرپورٹ پر شعبہ الیکٹریکل کو ٹوٹی تاروں اور لائٹوں کی مرمت کا بھی حکم دے دیا گیا ہے۔