آمنہ شیخ کے سابقہ شوہر محب مرزا نے کہا کہ وقت کبھی ایک سا نہیں رہتا
پاکستان کے مقبول ترین اداکار محب مرزا کا کہنا ہے کہ وقت کبھی ایک سا نہیں رہتا۔
اداکار محب مرزا نے سماجی رابطے کی ویب سائٹ انسٹاگرام پر اپنی سابقہ اہلیہ کی دوسری شادی کے بعد ایک پوسٹ شئیر کی ہے۔
محب مرزا کی جانب سے شئیر کی جانے والی پوسٹ میں اداکار نے لوگوں کو مشورہ دیا کہ وقت کے اتار چڑھاؤ سے پریشان ہونے کے بجائے ہمیشہ مثبت رہیں کیونکہ وقت کبھی بھی ایک جیسا نہیں رہتا اگر اچھا وقت نہیں رہا تو بُرا بھی گزر جائے گا۔
یاد رہے کہ محب مرزا اور آمنہ شیخ نے 2005 میں شادی کی تھی اور شادی کے 10 برس بعد اگست 2015 میں پہلی بیٹی کی پیدائش ہوئی تھی۔
محب مرزا نے ایک ٹی وی شو میں میزبان کے پوچھے گئے سوال کا جواب دیتے ہوئے تصدیق کی تھی کہ وہ اپنی اہلیہ سے الگ ہوگئے ہیں۔
خیال رہے کہ محب مرزا اور آمنہ شیخ کے درمیان علیحدگی ہوگئی تھی اور گزشتہ برس محب مرزا نے ایک پروگرام میں اس کی تصدیق کی تھی۔
تاہم محب مرزا نے آمنہ شیخ سے علیحدگی سے متعلق کوئی تفصیل نہیں بتائی تھی اور کہا تھا کہ اب وہ ساتھ نہیں رہتے۔
دوسری جانب آمنہ بھی 8 اگست کو ہی عمر فاروقی نامی بزنس مین سے رشتہ ازدواج میں منسلک ہوئی ہیں۔
واضح رہے کہ محب مرزا اور آمنہ شیخ نے ایک ساتھ کئی پراجیکٹس کیے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News