امریکی پاپ اسٹار میڈونا آج 16 اگست کو اپنی 62ویں سالگرہ منا رہی ہیں۔

تفصیلات کے مطابق گلوکارہ میڈونا 16 اگست انیس سواٹھاون کو امریکی ریاست مشی گن کے اطالوی گھرانے میں پیدا ہوئیں۔

یاد رہے کہ دنیائے موسیقی کے عالمی منظر نامے پر تین دہائیوں سے گلوکارہ میڈونا راج کر رہیں ہیں۔

علاوہ ازیں گنیز بک آف ورلڈ ریکا رڈز میں میڈونا کو میوزیکل تاریخ کی مقبول ترین خاتون گلوکارہ قرار دیا گیا۔

جبکہ ریکارڈنگ انڈسٹری ایسوسی ایشن آف امریکا نے میڈونا کو بیسویں صدی کی مقبول ترین گلوکارہ قرار دیا۔

قابلِ غور بات یہ ہے کہ گلوکارہ میڈونا کے پچیس سالہ فنی کیرئیر میں دو کروڑ سے زائد میوزک البم دنیا بھر میں فروخت ہوچکے ہیں۔

دوسری جانب میڈونا بیک وقت ڈانسر، سنگر، پروڈیوسر، ڈائریکٹر، فیشن ڈیزائنر، مصنفہ اور اداکارہ بھی ہیں اور اس ہمہ جہتی فنی شخصیت کے ساتھ میڈونا آج بھی پوری آب و تاب کے ساتھ موسیقی کے عالمی اُفق پر درخشاں ستارے کی طرح جگمگا رہی ہیں۔

واضح رہے کہ میڈونا بیس سے زائد فلموں میں اداکاری کے جوہر بھی دکھا چکی ہیں۔