سندھ حکومت نے صوبے میں موجود مدارس کو تعلیمی اداروں کے طورپررجسٹرڈ کرنے کا فیصلہ کیا ہے۔

ترجمان وزیراعلیٰ کے مطابق مراد علی شاہ کی زیرصدارت ایپکس کمیٹی کا اجلاس ہوا جس میں نیشنل ایکشن پلان سمیت دیگر معاملات پر بریفنگ دی گئی۔

آئی جی سندھ نے بریفنگ میں بتایا کہ سندھ میں 8195 مدارس اور امام بارگاہیں ہیں۔

  اپیکس کمیٹی میں فیصلہ کیا گیا ہے کہ صوبے میں مدارس تعلیمی اداروں کے طور پر رجسٹرڈ کیے جائیں گے اور انہیں محکمہ تعلیم رجسٹرڈ کرے گا۔

اس موقع پر وزیراعلیٰ  سندھ کا کہنا تھا کہ مدارس کا مفت تعلیم دینے میں اہم کردار ہے۔

اجلاس میں صوبائی وزراء ناصر شاہ، وزیراعلی سندھ کے مشیر قانون مرتضیٰ وہاب، کور کمانڈر کراچی لیفٹیننٹ جنرل ہمایوں عزیز، چیف سیکریٹری ممتاز شاہ، ڈی جی رینجرز، آئی سندھ، وزیراعلیٰ سندھ کے پرنسپل سیکریٹری، سیکرٹری داخلہ، کمشنر کراچی اور دیگر متعلقہ افسران شریک ہوئے ۔