ننکانہ صاحب کے علاقے شاہ کوٹ میں ایلیٹ فورس کی گاڑی کو حادثہ پیش آیا۔

تفصیلات کے مطابق تیز رفتار بس نے ایلیٹ فورس کی گاڑی کو ٹکر مار دی، حادثے میں ایلیٹ فورس کا ایک اہلکار جاں بحق اور 5 اہلکار زخمی ہوگئے۔

پولیس کے مطابق شاہ کوٹ پنواں اسٹاپ کے قریب ایک تیز رفتار بس ڈرائیور سے بے قابو ہوکر ایلیٹ فورس کی گاڑی سے ٹکرا گئی جس کے نتیجے میں 6 اہلکار زخمی ہوگئے۔

اطلاع ملنے پر ریسکیو کے اہلکاروں نے موقع پر پہنچ کر زخمی اہلکاروں کو ٹی ایچ کیو اسپتال شاہ کوٹ منتقل کیا تاہم زخموں کی تاب نہ لاتے ہوئے ایلیٹ فورس کا ایک اہلکار فخر حسین چھٹہ جاں بحق ہوگیا۔