پاکستان شوبز کی اداکارہ مومل شیخ کے ہاں ننھی پری کی آمد ہوئی ہےجس کا نام علیہا نادر نواز رکھا گیا ہے۔

تفصیلات کے مطابق اداکارہ نے بیٹی کی پیدائش کی خبر انسٹاگرام پر شئیر کی جس میں انہوں نے  ننھی پری کا ہاتھ تھاما ہو اہے۔

انہوں نے لکھا کہ ’اللّٰہ کے فضل سے مجھے یہ اعلان کرتے ہوئے خوشی ہورہی ہے کہ ہماری نواز اور شیخ فیملی میں ایک فرد کا اضافہ ہوا ہے۔

See more

اداکارہ نے مداحوں سے بیٹی سمیت پورے خاندان کو دعاؤں میں یاد رکھنے کی درخواست بھی کی۔

مومل کی جانب سے خوشی کی خبر پر انہیں مداحوں کی جانب سے مبارکباد کے پیغامات ملنا شروع ہوگئے۔ شوبز دنیا سے بھی ساتھی اداکاروں نے انہیں بیٹی کی پیدائش پر مبارکباد دی جس میں اداکارہ اُشنا شاہ، مریم نفیس، ثروت گیلانی، صنم جھنگ اور دیگر شامل ہیں۔

خیال رہے کہ مومل شیخ پاکستان شوبز انڈسٹری کے سینئر ادکار جاوید شیخ کی صاحبزادی بھی ہیں۔

مومل شیخ نے 2012 میں نادر نواز سے شادی کی، ادکارہ کا علیہا سے پہلے پانچ سال کا بیٹا ابراہیم بھی ہے۔