صدر پی ٹی آئی کراچی خرم شیر زمان نے کہا ہے کہ سندھ حکومت کے پاس موقع ہے کہ وہ کراچی کے حالات بدلے۔

تفصیلات کے مطابق صدر پی ٹی آئی کراچی خرم شیر زمان نے کہا ہے کہ کراچی کی ترقی کے لیے پی پی کو ایک اور موقع دیا ہے، یہ پی پی کے پاس آخری آپشن پہر وفاق اپنے آپشن استعمال کرے گا۔

صدر پی ٹی آئی کراچی نے اپنے بیان میں کہا کہ نالوں کی صفائی ہو یا سڑکوں کی مرمت کراچی کے عوام نے بہت سال برداشت کیا ہے۔

خرم شیر زمان نے یہ بھی کہا کہ وزیراعظم کراچی کے لیے سنجیدہ ہیں لیکن کراچی کی ترقی کے لیے تمام جماعتوں کو سر جوڑ کر بیٹھنا ضروری ہے۔

صدر پی ٹی آئی کراچی کا کہنا تھا کہپی ٹی آئی نے سندھ حکومت کو کام کرنے کا ایک اور موقع فراہم کیا ہے، اعلیٰ قیادت کا کراچی کی مقامی سیاسی جماعتوں سے اتحاد کا فیصلہ خوش آئیند ہے۔

وزیراعظم کی جدوجہد سے پاکستان خوشحال اور کشمیر آزاد ہوگا، خرم شیر زمان

 خرم شیر زمان کا یہ بھی کہنا تھا کہ صوبائی مشاورتی کمیٹی کی  تشکیل کراچی کے عوام کے مفاد میں ہے ورنہ پی ٹی آئی ہر وہ راستہ اختیار کرے گی جو عوام کے مفاد میں ہوگا۔

صدر پی ٹی آئی کراچی خرم شیر زمان کا مزید کہنا تھا کہ امید کرتے ہیں کمیٹی ممبران کراچی کے حق میں بہترین فیصلے کریں گے۔