آرمی چیف نے سعودی معاون وزیر دفاع محمد بن عبداللہ کے انتقال پر گہرے رنج و غم کا اظہار کیا ہے۔

تفصیلات کے مطابق آرمی چیف نے سعودی معاون وزیر دفاع کے خاندان سے اظہار تعزیت اور ہمدردی کرتے ہوئے دعا کی کہ اللہ تعالی مرحوم کو اپنے جوار رحمت میں جگہ دے ۔

آرمی چیف جنرل قمر جاوید باجوہ کاکہنا تھا کہ سعودی معاون وزیر دفاع محمد بن عبداللہ کے انتقال کے سبب پاکستان نے اپنے مخلص دوست کو کھو دیا ہے۔

آرمی چیف نےمزید کہا کہ محمد بن عبداللہ دوطرفہ برادرانہ تعلقات میں روشن مثال تھے۔

خیال رہے کہ سعودی عرب کے معاون وزیر دفاع  گزشتہ روز انتقال کر گئے ۔ وہ کافی عرصے سے بیمار تھے۔

سعودی خبررساں ادارے ایس پی اے کے مطابق سعودی معاون وزیر دفاع محمد بن عبداللہ کئی عہدوں پر فائز رہے۔

پائلٹ آفیسر، ایئر بیس کے ڈائریکٹر، فضائیہ کے ڈپٹی کمانڈر اور سعودی فضائیہ کے کمانڈر کے طور پر خدمات انجام دیں جبکہ 2014 سے معاون وزیر دفاع بدرجہ وزیر کام کررہے تھے۔