جشن آزادی کے موقع پر گورنرسندھ عمران اسماعیل اوروزیراعلیٰ سندھ مراد علی شاہ نے مزارقائد پرحاضری دی اور فاتحہ خوانی کی کمشنرکراچی افتخارشالوانی بھی وزیراعلیٰ سندھ کے ہمراہ تھے۔

تفصیلات کے مطابق پاکستان کے74 ویں یوم آزادی کے موقع پر گورنرسندھ عمران اسماعیل اوروزیراعلیٰ سندھ مراد علی شاہ نے مزارقائد پرحاضری دی ، مزار پر پھول رکھے اور فاتحہ خوانی کی ۔

اس موقع پر گورنر سندھ عمران اسماعیل کا کہنا تھا کہ آزادی پر ہمارے دلوں میں کشمیریوں کا دکھ ہے، ہم نے آج اس تقریب کورونا کی وجہ اور کشمیریوں کے دکھ کی وجہ سے سادہ  رکھا  گورنر سندھ کا کہنا تھا  کہ پاکستان کشمیریوں کو تنہا نہیں چھوڑے گی۔

وزیراعلیٰ سندھ مراد علی شاہ نے گفتگو میں کہا کہ آج پاکستان کی 74 ویں آزادی کی سالگرہ  ہے ۔

مراد علی شاہ کا کہنا تھا کہ ضرورت ہےکہ شہیدبھٹوکے بنائےآئین پر عمل کریں، 14اگست کی تقریب کوکوروناکی وجہ سے سادہ رکھاگیاہے ، یہ وبا گئی نہیں ہے، سب نے مل کر اس سےنجات حاصل کرنی ہے۔

انھوں نے کہا کہ اس وقت پوری قوم کو متحد رہنے کی ضرورت ہے ، ملک میں معاشی عدم استحکام اور مہنگائی ہے۔

کشمیر کے حوالےسے وزیراعلی سندھ کہنا کا تھا کہ دنیاسے کہتا ہوں کشمیریوں کو ظلم سے نجات دلائیں ، ہم جلد کشمیریوں کو آزادی دلائیں گے ۔

ملک بھرمیں یومِ آزادی روایتی جوش و خروش اور جذبے سے منایا جارہاہے، ملک بھر میں سرکاری عمارتوں، سڑکوں اور راستوں کو قومی پرچموں سے سجایا گیا ہے۔