بالی وڈ اداکارہ کرینہ کپور کے ہاں ننھے مہمان کی آمد متوقع ہے۔

بھارتی میڈیاکے مطابق اداکارہ کرینہ کپور دوسری بار امید سےہیں جس کی تصدیق خود بالی وڈ کی خوبصورت جوڑی نے کردی ہے۔

بھارتی اداکار سیف علی خان نے اس حوالے سے انسٹاگرام پر ایک پوسٹ شئیر کی ہے جس میں انہوں نے اپنی تصویر کے ساتھ ‘ کوڈ فادر’ کا کیپشن لکھا ہے ساتھ میں انہوں نےاداکارہ  کرینہ کی جانب سے جلد خوشخبری کی خبر بھی سنائی ہے۔

See more

سیف علی خان کی بہن و اداکارہ سوہا علی خان سے اِس خوشخبری کے بعد رہا نہیں گیا اور انہوں نے بھی انسٹاگرام پر بھابھی کرینہ کو مبارکباد دی ہے۔

خیال رہے کہ سیف علی خان اور کرینہ کپور کی شادی 2012 میں ہوئی تھی اور دسمبر 2016 میں ان کے ہاں پہلے بیٹے تیمور علی خان کی پیدائش ہوئی تھی۔

کرینہ کپور ان دنوں عامر خان کے ساتھ فلم ’ لال سنگھ چڈھا‘ کی شوٹنگ میں مصروف ہیں اور ان کے ہاں بچے کی پیدائش کب ہوگی فی الحال اس کی تفصیل سامنے نہیں آسکی ہے۔