پاکستان کی مقبول ترین اداکارہ صبا قمر اداکاری کے ساتھ ساتھ یوٹیوب پر بھی چھا گئیں۔

اداکارہ صبا قمر کے یوٹیوب چینل پر  سبسکرائیبر کی تعداد 2 لاکھ ہوگئی ہے۔

صبا قمر نے اپنی اس خوشی کو مناتے ہوئے یوٹیوب ٹیم پر مبنی ایک کیک کاٹا اور تصویر شیئر کی۔

See more

انہوں نے اپنی پوسٹ میں بتایا کہ اُن کے یوٹیوب چینل پر مختصر وقت میں ہی 2 لاکھ سبسکرائبر جبکہ 30 لاکھ لائکس ہوگئے ہیں اور یہ سب مداحوں کی وجہ سے ہی ممکن ہوسکا ہے۔

اداکارہ  نے کہا کہ میری ویڈیوز کو پسند کرنے والوں کی بے حد ممنون ہوں۔

صبا قمر نے لکھا کہ بے حد مختصر وقت میں اتنا پیار دینے والوں اور حمایت کرنے والوں کی شکرگزار ہوں۔

انہوں نے کہا کہ میں یہ وعدہ کرتی ہوں کہ انشاءاللہ آئندہ اسی طرح کا بہترین مواد لوگوں تک پہنچاتی رہوں گی۔

دوسری جانب صبا قمر کو یہ سنگ میل عبور کرنے پر ساتھی اداکاراؤں سمیت مداحوں کی بڑی تعداد کی جانب سے مبارکباد اور نیک تمناؤں کے پیغامات وصول ہورہے ہیں۔

واضح رہے کہ صبا قمر نے اپنے یوٹیوب چینل کا آغاز رواں سال 21 اپریل کو کیا تھا۔