خیبر پختونخوا کے ضلع چترال میں بونی ریشن اور چرون کے مقامات پر گلیشیئرز پھٹ گئے۔

ڈی سی اپر چترال کے مطابق گلیشیئرز پھٹنے سے ندی نالوں میں سیلاب امد آیا جس کے باعث لوگوں کو محفوظ مقام پر منتقل کردیا گیا۔

ڈی سی اپر چترال کے مطابق سیلاب سے ریشن کا پختہ پل بھی  بہہ گیا ہے جو کہ گزشتہ سال تعمیر کیا گیا تھا۔

ریشن کے مقام پر دریا کا پانی بھی رکا ہوا ہے جس کی وجہ سے قریبی دیہات کو شدید خطرات ہیں۔

خیال رہے کہ چند دنوں قبل بھی  چترال میں اپر یار خون لشٹ کے مقام پر گلیشیئر پھٹا تھا۔

چترال کے ڈی سی شاہ سعود کا کہناہے کہ گلیشیئر پھٹنے سے ندی نالوں میں سیلاب آیا تھا، جس میں ڈوب کر ایک لڑکی جاں بحق ہو گئی تھی۔